Absolute Training Hlaupa-fjarnámskeið

Absolute Training Hlaupa-fjarnámskeið

Regular price
14.990 kr
Sale price
14.990 kr
Tax included.

Absolute Training Hlaupa-fjarnámskeið
Þjálfari: Lára Hafliðadóttir

Janúar – Apríl: 4 mánaða program.
Hvert námskeið er 4 vikur í senn.

Fjarnámskeið eru frábrugðin fjarþjálfun að því leyti að þau eru einstaklingsmiðaðri ásamt því að þau veita þér beinan aðgang að þínum þjálfara.

Absolute Training er þjálfun í andlegri og líkamlegri heilsu. Þjálfunin hentar öllum sem vilja bæta líkamlega getu og heilsu, þjálfa með sér jákvætt hugarfar, setja sér markmið og vinna markvist að þeim í hverri viku. 

Hlaupanámskeiðið er hugsað fyrir alla sem vilja fjölbreyttar og skemmtilegar æfingar sem byggja upp virkilega góðan grunn fyrir sérhæfðari þjálfun þegar nær dregur sumri. Þjálfunin hentar því öllum þeim sem stefna á hlaup sumarið 2021, hvort sem það er utanvega fjallahlaup eða stutt/löng götuhlaup. Námskeiðið hentar einnig þeim sem vilja njóta þess að hlaupa án þess að setja pressu á ákveðinn tíma eða vegalengd. Með námskeiðinu eiga því þátttakendur að fá viðeigandi æfingar sem styðja við þeirra markmið. Hægt er að óska eftir hraðaviðmiðum fyrir mismunandi tegund hlaupaæfinga.

Hvert tímabil á hlaupanámskeiðinu inniheldur 16 líkamlegar æfingar, 4 æfingar í viku í 4 vikur.
Hver vika er sett upp af 3 hlaupaæfingum og 1 styrktaræfingu

Hver æfing hefst með góðri upphitun og liðkandi æfingum (mobility) sem einnig er hægt að taka á öðrum dögum. Hver æfing endar svo með teygjum.

Hlaupaæfingarnar:
Mánudagar: Styttra interval/sprettir /brekkusprettir

Miðvikudagar: Lengra interval/ Fjalla”hlaup/ganga”/tempo hlaup

Laugardagar: Lengri hægari hlaup (helst utanvega). Vinnum með öndunina

Styrktaræfingarnar:
Stigvaxandi styrktarþjálfun. Í upphafi (fyrstu vikurnar) er lögð áhersla á grunnstyrk og vöðvaúthald, síðar byggjum við upp meiri styrk og sprengikraft.
Styrktaræfingarnar eru bæði mikilvægar sem fyrirbyggjandi þjálfun en þær munu einnig auka hlaupagetuna svo um munar.

Allar æfingar í fjarþjálfun Absolute Training eru aðgengilegar í gegnum appið TrueCoach sem þú færð aðgang að, fljótlega eftir skráningu. 

Andlegi þátturinn: Þú færð aðgang að 5-10 mínútna myndböndum fyrir hvern tíma, 3 tíma í viku í 4 vikur fyrir hvert tímabil. Þú getur kosið að svara þeim spurningum og verkefnum sem koma fyrir í appinu TrueCoach eða þar sem þér hentar, hvort sem það er í stílabók, tölvu eða annar staðar. Þú getur keypt Absolute Training stílabók sem er sérstaklega gerð fyrir verkefni þjálfunarinnar HÉR

    Eftir skráningu fær viðkomandi tölvupóst frá þjálfurum námskeiðsins með frekari upplýsingum um fyrirkomulag og aðgang að appinu.