Þjálfarar

 

Elfa Rut Gísladóttir

Elfa Rut er með einkaþjálfararéttindi frá einkaþjálfaraskóla World Class. Hún hefur mikinn áhuga á hreyfingu og heilsu. Elfa hefur verið spinning- og hóptímaþjálfari í World Class í nokkur ár. 

Elfa Rut hefur mikinn áhuga á hjálpa öðrum að ná árangri og er dugleg að ýta fólki áfram í ræktinni og í lífinu. 

Helga Sigrún Ómarsdóttir

Helga Sigrún útskrifaðist sem ÍAK einkaþjálfari árið 2010 og og rekur æfingastöðina Norður á Akureyri. Hún utskrifaðist jafnframt sem lýðheilsufræðingur vorið 2020. 

 

Líkamsrækt og heilsa almennt eru hennar helstu áhugamál og hefur hún mikinn metnað fyrir því að aðstoða fólk við að ná sínum markmiðum. Hún nýtir jákvæðnina sína til að hvetja aðra áfram og finnst ekkert skemmtilegra en að sjá þegar fólk áttar sig á því að það getur alltaf aðeins meira en það heldur.

Inga Þóra Ingadóttir

Inga er 36 ára, tveggja barna móðir, sem hefur brennandi áhuga á að hjálpa fólki að betrumbæta lífstíl sinn með því að verða besta útgáfan af sjálfum sér.

Inga er með fjölbreyttan bakgrunn í íþróttum sem iðkandi, þjálfari og kennari. Hún er íþróttafræðingur frá Íþróttakennaraháskóla Íslands á Laugarvatni, CrossFit Level 2 þjálfari og með einkaþjálfararéttindi frá Montgomery Háskóla í Bandaríkjunum.

Síðustu 15 ár hefur Inga starfað sem hóp og einkaþjálfari bæði á Íslandi, Lúxemborg, Víetnam og í Belgíu og rekið CrossFit stöð í Lúxemborg. Hún hefur þjálfað fólk á öllum aldri, frá börnum og unglingum, upp í eldri borgara, fólk í mikilli yfirþyngd og atvinnuíþróttamenn.

Inga elskar að setja sér háleit markmið og stíga útfyrir þægindarammann. Hún hefur keppt á ótal mótum í fimleikum og frjálsum íþróttum, Heims- og Evrópuleikum í CrossFit, orðið bikarmeistari í Módel Fitness og tekið þátt í Navy Seals Hell Weekend  svo eitthvað sé nefnt.

Karitas María Lárusdóttir

Karitas hefur mikla reynslu úr þjálfun. Hún hefur verið þjálfari hjá World Class í mörg ár og hefur meðal annars þjálfað spinning, hlaupahóp World Class, Tabata og aðra hóptíma. 

Karitas brennur fyrir heilsu og leggur mikið upp úr því að lifa heilbrigðum lífstíl ásamt því að hjálpa öðrum að tileinka sér hann. 

Katrín Ösp Jónasdóttir

Katrín Ösp dýrkar að vinna að bættri líkamlegri og andlegri heilsu. Hún hefur þjálfað hópatíma í World Class síðan 2014 og elskar að peppa fólk áfram og skipuleggja góðar æfingar.

Katrín hefur verið íþróttaálfur síðan hún man eftir sér, lærður einkaþjálfari og er nú í meistaranámi í Íþróttavísindum og þjálfun í Háskóla Reykjavíkur.

Kolla Björnsdóttir

Kolla Bjöss er með IAK einkaþjálfararéttindi og NLP practitioner. Hún hefur þjálfað Body pump og Body step frá Les Mills, Tae Bo, spinning , Metabolic Ísland.

Kolla hefur 20 ára reynslu sem hóp- og einkaþjálfari, ásamt því að vinna sem NLP markþjálfi/hugarþjálfi. Ástríðan hennar Kollu er FÓLK, hún brennur fyrir að hjálpa fólki að finna styrkinn sinn til að verða besta útgáfan af sjálfum sér

Lára Hafliðadóttir

Lára er með einkaþjálfararéttindi frá NASM og NPTI í Bandaríkjunum, Crossfit level 1 þjálfararéttindi, auk þess að hafa tekið ýmis önnur námskeið m.a. í styrktar, sprengikrafts, snerpuþjálfun og grunnnámi í íþróttafræði.

Lára spilaði fótbolta í fjölmörg ár og þjálfað bæði yngri flokka sem og meistaraflokk í fótbolta, sem og verið styrktarþjálfari íþróttaliða. Þá hefur hún kennt ýmsa hóptíma, tabata, stöðvaþjálfun og CBC.

Lára er í dag í meistaranámi í íþróttafræði í HR í kostuðu samstarfið við KSÍ. Lára er fyrir með meistaragráðu í Markaðsfræði og alþjóðaviðskiptum.

Lára hefur gríðarlegan áhuga á afreksþjálfun íþróttamanni en henni finnst öll hópaþjálfun ótrúlega skemmtileg. Fyrir henni er jákvæðni og sjálfstrú forsenda fyrir árangri og hamingju í lífinu og elskar hún að geta samtvinnað hugræna og líkamlega þjálfun hjá Absolute Training.

Natalía Blær Maríudóttir

 

Natalía er með einkaþjálfara réttindi frá einkaþjálfara skóla World Class frá árinu 2018 og hefur starfað sem hóptíma kennari og þjálfari hjá World Class síðan byrjun ársins 2019. Hún stundar einnig BS nám við Háskóla Íslands í næringarfræði.

Natalía hefur gríðalegan áhuga á líkamananum og elskar að leiðbeina og hjálpa fólki með sín vandamál. Hún leggur mikla áherslu á rétta líkamsbreytingu. Hún er líka hjálpsöm og mikill peppari og elskar að hvetja fólk áfram í að ná sínum markmiðum.

 

Sandra Björg Helgadóttir

 


Sandra er með einkaþjálfararéttindi frá ISSA Trainer frá árinu 2011. Hún hefur þjálfað Spinning og CBC, Tabata, Hot Butt, hóptíma og dans frá árinu 2008. Ásamt því að stunda og þjálfa íþróttir lauk hún BS námi í iðnaðarverkfræði árið 2014. Hún hefur starfað á markaðssviði hjá Ölgerðinni í nokkur ár og hefur mikinn áhuga á markaðssetningu og fyrirtækjarekstri.
Sandra hefur 14 ára reynslu frá Dale Carnegie námskeiðum. 5 ára reynslu sem þjálfari hjá Dale Carnegie og KVAN. Sjálf hefur hún mikinn áhuga á því að setja sér háleit markmið og þjálfa hugann í því að hugsa stórt. 
Sandra lifir fyrir það að hjálpa fólki að lifa því lífi sem því dreymir um. 

Telma Fanney Magnúsdóttir

Telma Fanney heiti ég, 27 ára Búðardalsmær. Hún lauk BA-gráðu í Lögfræði frá Háskólanum í Reykjavík árið 2018 og hefur síðan þá verið á ferð og flugi um heiminn.
Telma nældi sér í einkaþjálfararéttindi frá einkaþjálfaraskóla WorldClass sumarið 2019 og hefur verið að bjóða upp á fjarþjálfun samhliða ferðalögunum. Hún hefur mikla ástríðu fyrir þjálfun og öllu því sem viðkemur, hreyfingu, næringu og andlegri- og líkamlegri vellíðan.
Ástríða Telmu er að láta gott af sér leiða og hjálpa öðrum að ná sínum markmiðum bæði líkamlegum og andlegum, fyrir henni er því Absolute training fullkomin leið til að rækta bæði líkama og sál.