Þjálfarar

Við erum svo stolt af teyminu okkar. Allir þjálfarar Absolute Training eiga það sameiginlegt að brenna fyrir því að hjálpa öðrum að vaxa sem einstaklingar og ná árangri andlega og líkamlega. Þú getur skoðað þessa síðu og kynnt þér alla þjálfarana okkar eða fundið nafnið á tilteknum þjálfara í listanum hér að neðan, ýtt á nafnið og fengið þannig upplýsingar um þann þjálfara. Ef þú hefur frekari spurningar til þjálfarana, endilega sendu okkur póst á absolutetrainingiceland@gmail.com og við tengjum þig við þann þjálfara. 

 

 

Ása Valgerður
Dagný Guðsteinsdóttir
Íris Dóra
Kristín Gerður
Mateusz Serwatko
María Kristjánsdóttir
Orka Kristinsdóttir

 

Bryndís Ósk Valdimarsdóttir

Bryndís Ósk, fædd 1993, útskrifaðist sem ÍAK einkaþjálfari árið 2021 og hefur starfað sem hóptímakennari hjá World Class frá árinu 2017. Kláraði B.Sc í Heilbrigðisverkfræði árið 2017.
Íþróttir og hreyfing hefur alltaf verið stór partur af hennar lífi. Hún æfði fimleika frá 5 ára aldri og hefur alltaf fundið mestu hvatninguna við að æfa í góðum hópi. Hún er jákvæð, hvetjandi og hefur mikinn metnað fyrir því að hjálpa fólki. Leggur mikla áherslu að hafa æfingarnar bæði fjölbreyttar og skemmtilegar. Henni þykir ekki síður mikilvægt að þjálfa líka andlegu heilsuna og þykir því Absolute Training hin fullkomna lending.

 

Elfa Rut Gísladóttir

 

Elfa Rut er með einkaþjálfararéttindi frá einkaþjálfaraskóla World Class. Hún hefur mikinn áhuga á hreyfingu og heilsu. Elfa hefur verið spinning- og hóptímaþjálfari í World Class í nokkur ár. 

Elfa Rut hefur mikinn áhuga á hjálpa öðrum að ná árangri og er dugleg að ýta fólki áfram í ræktinni og í lífinu. 

Harpa Ásgeirsdóttir

Harpa er 35 ára tveggja barna móðir. Hún hefur alla tíð stundað íþróttir og þá aðallega fótbolta og haft mikinn áhuga heilsu almennt.

Hún hefur mikinn áhuga á hreyfingu og að hjálpa fólki að finna ástríðuna og gleðina sem að fylgir því að hreyfa sig. Harpa er menntaður grunnskólakennari og hefur tekið þjálfaranámskeið hjá KSÍ. Hún er að byrja að læra einkaþjálfarann og stefnir á að ljúka því námi 2022. Harpa er einnig í styrktarþjálfunarnámi í Keili sem hún útskrifast úr í júní 2022. 

Helga Sigrún Ómarsdóttir

Helga Sigrún útskrifaðist sem ÍAK einkaþjálfari árið 2010 og og rekur æfingastöðina Norður á Akureyri. Hún utskrifaðist jafnframt sem lýðheilsufræðingur vorið 2020. 

 

Líkamsrækt og heilsa almennt eru hennar helstu áhugamál og hefur hún mikinn metnað fyrir því að aðstoða fólk við að ná sínum markmiðum. Hún nýtir jákvæðnina sína til að hvetja aðra áfram og finnst ekkert skemmtilegra en að sjá þegar fólk áttar sig á því að það getur alltaf aðeins meira en það heldur.

Hrafnhildur Ólafsdóttir

Hrafnhildur fékk alþjóðleg einkaþjálfararéttindi frá Intensive PT sumarið 2020. Hún er einnig viðskiptafræðingur frá Háskólanum í Reyjavík ásamt því að hafa lokið mastersnámi í fjármálum frá Queen Mary University of London árið 2018 en hún starfaði sem fjármálaráðgjafi í 2 ár.

Hrafnhildur prófaði margar íþróttir sem barn en fann sig að lokum í blaki sem hún æfði fram á unglingsárin en hætti að lokum vegna meiðsla. Það var ekki fyrr en árin 2015-2016 sem Hrafnhildur fann sig í Crossfit ásamt því að skrá sig í fjarþjálfun og fann í kjölfarið brennandi áhuga á lyftingum og heilsurækt.

 

Á seinustu árum hefur hún einnig tekið aftur upp á því að æfa blak og hefur mikinn áhuga á íþróttinni. Hrafnhildur hefur alltaf haft mikinn áhuga á að hjálpa öðrum og hefur nú fundið ástríðuna við að hjálpa fólki við að ná markmiðunum sínum og öðlast heilbrigðari lífstíl.

Inga Þóra Ingadóttir

Inga er 36 ára, tveggja barna móðir, sem hefur brennandi áhuga á að hjálpa fólki að betrumbæta lífstíl sinn með því að verða besta útgáfan af sjálfum sér.

Inga er með fjölbreyttan bakgrunn í íþróttum sem iðkandi, þjálfari og kennari. Hún er íþróttafræðingur frá Íþróttakennaraháskóla Íslands á Laugarvatni, CrossFit Level 2 þjálfari og með einkaþjálfararéttindi frá Montgomery Háskóla í Bandaríkjunum.

Síðustu 15 ár hefur Inga starfað sem hóp og einkaþjálfari bæði á Íslandi, Lúxemborg, Víetnam og í Belgíu og rekið CrossFit stöð í Lúxemborg. Hún hefur þjálfað fólk á öllum aldri, frá börnum og unglingum, upp í eldri borgara, fólk í mikilli yfirþyngd og atvinnuíþróttamenn.

Inga elskar að setja sér háleit markmið og stíga útfyrir þægindarammann. Hún hefur keppt á ótal mótum í fimleikum og frjálsum íþróttum, Heims- og Evrópuleikum í CrossFit, orðið bikarmeistari í Módel Fitness og tekið þátt í Navy Seals Hell Weekend  svo eitthvað sé nefnt.

 

Jóhanna Jóhannsdóttir 

Jóhanna Jóhannsdóttir er annar eigandi líkamsræktarstöðvarinnar Hressó í Vestmannaeyjum  og rekur einnig Crossfiteyjar ásamt eiginmanni sínum. Hún er  menntuð sem íþróttakennari og yogakennari. Er með BA gráðu í hagfræði, heimspeki og stjórnmàlafræði og mastersgràðu í lýðheilsu-og kennslufræði. Hún hefur kennt allar gerðir af líkamsrækt og einkaþjálfað fólk af öllum gerðum með mjög góðum árangri, þar á meðal fólk í mikilli yfirþyngd og fólk í starfsendurhæfingu.
Jóhanna elskar að hjálpa fólki að gera jákvæða breytingar á lífi sínu og Heilsurækt að lífstíl.

Katrín Ösp Jónasdóttir

Katrín Ösp dýrkar að vinna að bættri líkamlegri og andlegri heilsu. Hún hefur þjálfað hópatíma í World Class síðan 2014 og elskar að peppa fólk áfram og skipuleggja góðar æfingar.

Katrín hefur verið íþróttaálfur síðan hún man eftir sér, lærður einkaþjálfari og er nú í meistaranámi í Íþróttavísindum og þjálfun í Háskóla Reykjavíkur.

Kolla Björnsdóttir

Kolla Bjöss er með IAK einkaþjálfararéttindi og NLP practitioner. Hún hefur þjálfað Body pump og Body step frá Les Mills, Tae Bo, spinning , Metabolic Ísland.

Kolla hefur 20 ára reynslu sem hóp- og einkaþjálfari, ásamt því að vinna sem NLP markþjálfi/hugarþjálfi. Ástríðan hennar Kollu er FÓLK, hún brennur fyrir að hjálpa fólki að finna styrkinn sinn til að verða besta útgáfan af sjálfum sér

Lára Hafliðadóttir

 

 

Lára er lauk meistaranámi í Íþróttafræði við HR sumarið 2021. Námið stundaði hún í kostuðu samstarfi við KSÍ. Lára var fyrir með meistaragráðu í Markaðsfræði og alþjóðaviðskiptum. Lára er með einkaþjálfararéttindi frá NASM og NPTI í Bandaríkjunum, Crossfit level 1 þjálfararéttindi, auk þess að hafa tekið ýmis önnur námskeið m.a. í styrktar-, sprengikrafts- og snerpuþjálfun og grunnnámi í íþróttafræði.

Lára spilaði fótbolta í fjölmörg ár og hefur þjálfaði bæði yngri flokka og meistaraflokk í fótbolta, ásamt því að vera styrktarþjálfari íþróttaliða. Þá hefur hún kennt ýmsa hóptíma, TABATA, stöðvaþjálfun og CBC. Lára hefur einnig stundað hlaup af miklu kappi og hefur hún meðal annars hlaupið maraþón og Laugaveginn. Í dag leggur hún mikla áherslu á hlaupaþjálfun hjá Absolute Training. Lára hefur einnig gríðarlegan áhuga á afreksþjálfun íþróttamanna en henni finnst öll hópaþjálfun ótrúlega skemmtileg.

Fyrir Láru eru jákvæðni og sjálfstrú forsenda fyrir árangri í lífinu. Hún telur hamingjuna felast í því að finna sátt í núinu en á sama tíma stefna hærra og hafa kjark til að eltast við ástríðuna. Hún elskar því að geta samtvinnað hugræna og líkamlega þjálfun hjá Absolute Training.    

 

María Leifsdóttir

María Leifsdóttir er að ljúka við að sækja sér einkaþjálfararéttindi frá Intensive PT og hefur brennandi áhuga á hreyfingu og heilbrigðum lífsstíl.

Hún lærði dans frá unga aldri og hefur þar að auki góða reynslu sem danskennari. Einnig hefur hún tekið þátt fjölda sýninga sem dansari.

Hún lauk master í rekstrarverkfræði árið 2013 og stundar núna nám í kennslufræði við Háskóla Íslands.

María á tvær stelpur og býr á Seltjarnarnesi með fjölskyldu sinni. María kláraði Dale Carnegie námskeið árið 2019 sem opnaði augu hennar fyrir mikilvægi þess að hlúa að andlegri heilsu. Þess vegna finnst henni Absolute Training vera hin fullkomna blanda til þess að ná árangri bæði líkamlega og andlega.

Natalía Blær Maríudóttir

 

Natalía er með einkaþjálfara réttindi frá einkaþjálfara skóla World Class frá árinu 2018 og hefur starfað sem hóptíma kennari og þjálfari hjá World Class síðan byrjun ársins 2019. Hún stundar einnig BS nám við Háskóla Íslands í næringarfræði.

Natalía hefur gríðalegan áhuga á líkamananum og elskar að leiðbeina og hjálpa fólki með sín vandamál. Hún leggur mikla áherslu á rétta líkamsbreytingu. Hún er líka hjálpsöm og mikill peppari og elskar að hvetja fólk áfram í að ná sínum markmiðum.

Rósa Soffía Haraldsdóttir

 Rósa er 39 ára viðskiptafræðingur og vinnur í bókhaldi. Hún er búsett á Akranesi ásamt 19 ára dóttur minni og kisunum þeirra þeim Möttu og Molly. Áhugamál Rósu eru Crossfit, hlaup, fjallgöngur, ferðalög, eurovision og kisur.

Sandra Björg Helgadóttir

 


Sandra er stofnandi og eigandi Absolute Training á Íslandi og þjálfar Absolute Training námskeið í World Class Smáralind.

 

Sandra er með einkaþjálfararéttindi frá ISSA Trainer frá árinu 2011. Hún hefur þjálfað spinning og CBC, Tabata, Hot Butt, hóptíma og dans í World Class frá árinu 2008. Ásamt því að stunda og þjálfa íþróttir lauk hún BS námi í iðnaðarverkfræði árið 2014. Hún starfaði á markaðssviði hjá Ölgerðinni í nokkur ár og hefur mikinn áhuga á markaðssetningu og fyrirtækjarekstri

 

Sandra hefur frá 14 ára aldri reglulega sótt námskeið hjá Dale Carnegie og tók síðar þjálfararéttindi Dale Carnegie 25 ára gömul. Í dag starfar hún sem þjálfari og fyrirlesari hjá KVAN þar sem hún þjálfar fólk í að setja sér markmið, hugsa jákvætt og hindurnarlaust. Sjálf hefur hún mikinn áhuga á því að setja sér háleit markmið og þjálfa hugann í því að hugsa stórt. 

 

Í febrúar 2020 tók hún 200 tíma jógakennaranám hjá Yoga Union. 
Í dag býr Sandra í Los Angeles í Californiu þar sem hún stundar MBA nám í Loyola Marymount háskólanum. Hún stefnir á að ljúka því námi 2023. 
Sandra lifir fyrir það að hjálpa fólki að lifa því lífi sem því dreymir um. 

Telma Fanney Magnúsdóttir

 

Telma Fanney heiti ég, 28 ára Búðardalsmær. Hún lauk BA-gráðu í Lögfræði frá Háskólanum í Reykjavík árið 2018 og hefur síðan þá verið á ferð og flugi um heiminn.
Telma nældi sér í einkaþjálfararéttindi frá einkaþjálfaraskóla WorldClass sumarið 2019 og hefur verið að bjóða upp á fjarþjálfun samhliða ferðalögunum. Hún hefur mikla ástríðu fyrir þjálfun og öllu því sem viðkemur, hreyfingu, næringu og andlegri- og líkamlegri vellíðan.
Ástríða Telmu er að láta gott af sér leiða og hjálpa öðrum að ná sínum markmiðum bæði líkamlegum og andlegum, fyrir henni er því Absolute training fullkomin leið til að rækta bæði líkama og sál.

Tinna Rún Svansdóttir

 

Tinna Rún er Keflavikurmær sem hefur búið í Englandi undanfarin ár. Hún öðlaðist ÍAK Einkaþjálfararéttindi frá Keili árið 2014 og Foam Flex kennararréttindi í kjölfarið. 

 

Um þessar myndir stundar hún B.A nám í Miðlun & Almannatengslum á Bifröst og í Febrúar ‘21 mun hún öðlast sérstök réttindi til þess að þjálfa konur á meðgöngu og eftir fæðingu.

 

Hennar uppáhalds æfingar eru TABATA & For Time!

Tinna Þórsdóttir