Absolute Training er nú í boði fyrir hvaða líkamsræktarstöð sem er. Ef þú hefur áhuga á að bjóða upp á Absolute Training í þinni stöð getur þú bókað þjálfaranámskeið fyrir stöðina eða skráð ákveðna þjálfara á þjálfaranámskeið.
Næsta opna námskeið verður sunnudaginn 26. nóvember. Kjörið fyrir þá sem stefna á að byrja með námskeið í janúar 2024.
Þjálfaranámskeið Absolute Training er skilyrði til þess að geta farið að þjálfa Absolute Training námskeið.
Á þjálfaranámskeiðinu er farið yfir 12 mánaða æfingaprógram Absolute Training í andlegri þjálfun. Einnig er farið í áhersluatriðin í líkamlegu þjálfuninni sem og gildi fyrirtækisins.
Á námskeiðinu munt þú styrkjast sem þjálfari, þú munt skerpa þjálfunartækni þína og fara sjálf/sjálfur í gegnum æfingarnar í andlegu þjálfuninni og þannig kynnast sjálfri/sjálfum þér enn betur sem gerir þér kleift að miðla reynslu þinni á skilvirkari hátt og þannig leiðbeina þátttakendum Absolute Training betur.
Hugmynd Absolute Training er að sameina þjálfara undir einum hatti sem hafa áhuga á að þjálfa líkamlega og andlega heilsu. Í öllu markaðsefni eru þjálfarar vel kynntir og námskeið auglýst. Með þessu móti munu þjálfarar líka fá auka auglýsingar umfram þar sem þeir eru sjálfir að kynna sig.
Þjálfari námskeiðs: Sandra Björg Helgadóttir og Lára Hafliðadóttir
------------------------------------------------------------
Tímasetning
Ákveðið í samráði við þjálfara námskeiðs
Dagskrá námskeiðs
Miðað við að námskeið hefjist kl. 17:00
17:00 - 17:30 Gildi Absolute Training og einkenni þjálfara
17:30 - 18:30 Andlega þjálfun Absolute Training - heils árs yfirlit
18:30 - 18:45 Pása
18:45 - 19:15 Andlega þjálfun Absolute Training - Þjálfarar vinna verkefni út frá sér persónulega
19:15 - 19:30 Pása
19:30 - 21:30 Áherslur í þjálfun á andlegu æfingunum
21:30 - 21:45 Áherslur í þjálfun á líkamlegu æfingunum
21:45 - 22:00 Samantekt
------------------------------------------------------------
Til að verða Absolute Training þjálfari þarf að senda umsókn á sandra.helgad@gmail.com. Helstu skilyrði eru að viðkomandi sé með þjálfararéttindi, einkaþjálfararéttindi eða önnur réttindi sem sýna fram á að viðkomandi sé með þekkingu á mannslíkamanum til að leiðbeina fólki í allskyns æfingum.
Viðkomandi þarf svo að vera tilbúin að fara í gegnum þjálfaranámskeið Absolute Training (sem þú getur skráð þig á hér) til að kynnast efni námskeiðsins sem er þjálfað í andlega hlutanum.
------------------------------------------------------------
Möguleiki er að fá námskeiðið styrkt af stéttarfélagi.
